Trcaj be 2025

14 СЕПТЕМВРИ 2025 | 08:00 – 11:00 ТРЧАЈ БЕ 2025Официјална најава на 7. издание на омилената градска тркаТРЧАЈ БЕ со Алпско со голема возбуда го најавува седмото издание на трката која веќе одамна го надмина спортот – и прерасна во голем настан кој вклучува многу повеќе сегменти, од самото трчање.На 14 септември, улиците на Битола повторно ќе бидат живописна сцена за илјадници учесници, навивачи и волонтери. Уште едно утро посветено на здрав дух, познатата енергија на градот Битола, тимски дух на многу компании и спорт што обединува.Оваа година трчаме во нов ритам – со свежа визуелна и тематска кампања која наскоро ќе биде објавена. Ќе биде забавно, неочекувано, и веруваме – многу битолско.

Трки и стартни времиња: • 5.000 метри – старт во 08:30 часот • 21.097 метри (Полумаратон) – старт во 08:35 часот • 10.000 метри – старт во 08:40 часотОрганизаторот го задржува правото на измени во стартните термини, за што ќе следуваат навремени известувања преку официјалните комуникациски канали.⸻

Награди за најдобрите (машка и женска конкуренција):Полумаратон (21К) • 1. место – 500 € • 2. место – 300 € • 3. место – 200 €10К трка • 1. место – 300 € • 2. место – 200 € • 3. место – 100 €5К трка (спонзорирани од Стевче Ѓорѓиевски, поранешен рекордер на 5.000м) • 1. место – 6.000 денари • 2. место – 5.000 денари • 3. место – 4.000 денариДополнително ќе бидат соопштени и специјални ваучери од спонзорите за победниците во сите категории.

Стартни пакети: Сите учесници добиваат: • Стартен број со чип • Освежителни станици и здравствена поддршка • pic2go персонални фотографии • онлајн резултати и диплома • медал за завршување на трката • производи и ваучери од партнери

Дополнително: 5К трка – памучна маичка 10К трка – dry-fit маичка Полумаратон 21К – dry-fit маичка + капа

Котизации: • 5К: 1.000 ден. • 10К: 1.300 ден. • 21К: 1.500 ден.Цените важат заклучно со 8.09.2025. Пријавата станува важечка по евидентирана уплата.

ТИМСКИ ПРИЈАВИ: Тимски пријави се овозможени за сите трки и категории: • училишта (ученици и наставници) • универзитети (студенти и професори) • неформални тимови • фирми, институции и амбасадиЗа рангирање е потребно најмалку 4 учесници од ист пол. Времињата на најдобрите 4 од тимот се земаат за екипниот пласман. Секој учесник може да трча за само еден тим.

Важно: Името на тимот мора да биде напишано идентично за сите членови во пријавата, во полето “Клуб/Team Building“.

Дополнителни категории: • Дипломи за најдобрите во категоријата 60+ (машка и женска) • Рангирање по возрасни категории според правилата на АФМ

Правила и услови: Трката се одвива според правилата на IAAF и АФМ. Секој учесник сам е одговорен за својата здравствена состојба. Забрането е користење на средства за превоз (ролери, велосипеди и слично).Во случај на откажување на трката поради виша сила или ограничувања, уплатените средства не се враќаат, но пријавата ќе важи за следната година.

Повеќе информации, пријавување и галерија од минатите изданија:

Instagram & Facebook: @trcaj.be